ما هو البتكوين ؟ الذى تحول سعره من دولار الى 19 الف دولار

البتكوين

البتكوين

كتب أيمن هدهود

عن البتكوين والعملات الرقمية:

اخيرا فرضت البتكوين نفسها على اسواق العملات الرسمية مع بدء تداول عقود مستقبلية في بورصة شيكاغو ..

البتكوين الواحدة سجلت النهاردة حوالي 19 الف دولار .. وده بعد حوالي 8 سنين من بدء طرحها على الانترنت سنة 2009 بقيمة

تقل عن الدولار الواحد .. طبعا الكلام ده بيداعب احلام ناس كتير بتبحث عن ثراء سريع باقل مجهود ومافيش مجهود اقل من انك

تدخل تشتري عملة رقمية من الانترنت وتنتظر لما تتضاعف مئات المرات .. عموما هاحاول اشرح هنا اللي انا فاهمه عن موضوع

البتكوين والعملات الرقمية بصفة عامة ..

ما هى العملة ؟

.
لكن قبل قبل ما ندخل في العميق، لازم الاول نشرح يعني ايه اصلا عملة بغض النظر عن طبيعتها مادية او افتراضية: العملة

ببساطة هي اداة او وسيلة لسداد مستحقات بين اطراف متعاملة مقابل اداء الاطراف دي لخدمات او توريد منتجات ..

المتعاملين دول ممكن يتفقوا (مع الوقت والممارسة) على نوع معين من انواع السلع انه يكون هو الوسيط العام لتنفيذ المعاملات

البينية ما بينهم وكمان يحدد بشكل حسابي قيمة كل منتج او خدمة متداولة .. يعني في العصور السابقة كانت السلعة دي هي

الذهب والفضة واحيانا النحاس .. ومع الوقت اتحولت العملات دي لسندات ايداع، ثم تحولت تلك السندات الى البنكنوت واللي

اتحول لاشكال العملات الوطنية المركزية المنتشرة في العالم كله حاليا .. لكن يبقى التعريف كما هو، ما اتفق عليه المتعاملين

على انه اداة سداد ، فهذه الاداة ستتحول الى عملة .. يعني مثلا من المشهور عن مجتمعات السجون ان اداة التداول الاساسية

داخل السجن هي السجائر ، هي دي عملة السجن .. نفس الوضع لو مجموعة من مستخدمي الانترنت اتفقوا بينهم على خلق

اداة تداول يستخدموها في التعامل المباشر ما بينهم من خلال منصات الاتصال المباشر(P2P) حاجة كدة زي “تورنت” اللي

المستخدمين بيتبادلوا عليه ملفاتهم بشكل مباشر ما بينهم ..
.
البتكوين ببساطة هي وحدة رقمية انشئتها مجموعة مجهولة ليها اسم ياباني لكن مش مؤكد مقرها كان فين بالظبط لانها

بتستخدم برامج اتصال مفتوحة المصدر ولا مركزية تماما يعني تقريبا مستحيل تعرف مين بدءها ومستحيل كمان حد يسيطر عليها

.. الوحدة الرقمية دي المستخدم بيدفع فيها فلوس عادية جدا باي عملة متداولة عن طريق ادوات دفع عادي تقليدية زي باي بال

او ويسترن يونيون مثلا .. لكن بعدها المستخدم بيبدء يعيش حياته بالوحدات الرقمية اللي حصل عليها لكن بشكل مباشر مع

المستخدمين الاخرين اللي ليهم حسابات على المنصة اللي بتستخدم التطبيق ده وفق اجراءات رقمية معقدة جدا يصعب على

امثالي فهمها، لكن في الاخر المنصات دي بتضمن صحة المعاملات دي وحقيقتها ومصلحة المتعاملين بيها . والقائمين على

صيانة المنصات واللي بيبذلوا مجهود خرافي عشان يحافظوا على استمرارية التطبيق وسلامته بيحصلوا مقابل اعمالهم دي على

وحدات رقمية بيولدها النظام لصالحهم بحيث يقدروا يبيعوا بيها ويشتروا كما يشاءون .. يعني زيهم كدة زي المغامرين اللي بيبحثوا

عن الذهب في مناطق خطرة والذهب اللي بيحصلوا عليه نتيجة مجهودهم ده بيتحول الى ثروة شخصية ليهم والاهم من ده انه

بيزود من معروض العملة الذهبية في اسواق التداول .. يعني نظام البتكوين (او اي نظام عملة رقمية) مش بس بينتج عملة تداول

بين مستخدمي الانترنت، لكن كمان بيحدد نظام لزيادة المعروض من العملات دي عشان توسيع قاعدة التداول بطريقة يطلق

عليها

“التعدين الرقمي” ..

.
البيتكوين حاليا هي صحيح العملة الرقمية الاشهر والاوسع استخداما، لكن لان النظام مفتوح المصدر ولا مركزي تماما، مجموعات

كتير انشئت نظم مماثلة وعدد العملات الرقمية يقال انه تخطى حاليا الالف عملة ..
.
طيب ليه البتكوين هي اللي واخدة الشهرة والتركيز ده كله؟ غالبا لانها اول عملة والتطور في نظامها حصل بشكل جعلها مصدر

ثقة للمتعاملين .. لكن مع الوقت، ونظرا لارتفاع كلفة الحصول على وحدة بتكوين، عملات رقمية تانية هتبدأ تنشط وتاخد حصة من

سوق التعاملات المباشرة عبر الانترنت .. وده هيعمل ضغط بكل تأكيد على سعر البتكوين المرتفع بشكل خيالي حاليا ..
.
طيب ايه حكاية الارتفاع الحاد في سعر البتكوين ده؟ فيه سببين في رأيي: اولهم زيادة الطلب الحقيقي على العملة دي من

مستخدمي الانترنت كوسيلة للدفع والتداول خارج اي نظام قانوني او رقابة حكومية (الرقابة فقط هي من خلال التطبيق ذاته

وبشكل لا مركزي تماما) .. والسبب التاني لارتفاع السعر هو المضاربة التقليدية من اصحاب الاموال الساخنة اللي شايفين في

تقلبات البتكوين فرصة لتحقيق ارباح ضخمة باقل مجهود ، تماما زي ما بيحصل في اي سوق تانية (ممكن يحصل في سوق

الجوافة عادي جدا) .. لكن مع الوقت ومع انتشار التعامل بالوحدات الرقمية، السعر ده هيصل الى مستوى توازن ربما اعلى او اقل

من السعر الحالي حسب تطور الاحداث في السوق ده وبالذات مع دخول عملات رقمية جديدة في المنافسة ..

المشاكل التى تواجه العملات الرقمية :

.
المشكلة الكبرى اللي بتواجه العملات الرقمية هي الحقيقة في الحكومات والانظمة القانونية والضريبية اللي مؤكد هتتدخل

لعرقلة تطور انظمة العملة الرقمية لانها خارج اي سيطرة او رقابة وبالتالي الحصيلة الحكومية من الضرائب هتقل جدا بالاضافة الى

سهولة ممارسة اي انشطة ممنوعة من خلال منصات العملات الرقمية دي ، بالاضافة لفقدان الدول للتحكم في السياسات

النقدية والمالية بسبب اللامركزية المرتبطة بالعملات الرقمية ..
.
فصل جديد في معركة العولمة والمعلوماتية يضيف الى اتون حرب الانترنت العالمية المشتعلة منذ سنوات ..

 

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

الكاتبة أمنية عقل - موقع كواليس

أمنية عقل تكتب ” على هذا الحال .. تصبح المساواة كارثة!!”

أمنية عقل تكتب ” على هذا الحال .. تصبح المساواة كارثة!!” ربما يغضب رأيي كثيرا ...